دبي بتحتفل بموسم الكريسماس بطريقة مدهشة كل سنة ، بتتنوع ما بين الفعاليات المتعة, الاسواق الشتوية ، والاجواء الساحرة اللي بتضيف طابع فريد ومميز على الوقت ده من السنة ، تابعي معانا المقال بتاعنا واتعرفي على بعض الطرق اللي بتخلي موسم الكريسماس في دبي ساحر.
1- اسواق الكريسماس:
كتير من الاماكن بتتزين بأسواق الكريسماس التقليدية اللي بتحتوي على اكشاك بتقدم الهدايا, الحلويات, المشروبات الشتوية ، ومن اشهر الاسواق دي ، سوق مدينة الجميرا, سوق حديقة زعبيل ، اللي تقدري تستمتعي فيهم بالاجواء مع عروض موسيقية وانشطة للاطفال.
2- التمشية في المناطق المزينة بالاضواء:
دبي عادة بتتزين بأضواء وزينة كريسماس ساحرة ، خصوصا في المولات زي دبي مول, مول الامارات, وذا بيتش في جي بي آر ، اللي بيتم فيها عرض اشجار الكريسماس العملاقة والديكورات المبهرة والعروض البصرية اللي بتضيف اجواء ساحرة للمكان.
3- منتجعات التزلج:
على الرغم من ان دبي بتقع في منطقة صحراوية ، الا انه تقدروا تستمتعوا بجو الكريسماس التلجي في منتجعات التزلج ، زي "سكي دبي" في مول الامارات ، اللي هتقدروا فيه تلعبوا بالتلج, وممارسة التزلج ، وحتى مقابلة البطاريق وتعيشي في اجواء الكريسماس التلجية.
4- فعاليات عائلية والعاب نارية:
خلال موسم الاعياد ، بتقدم دبي مجموعة من الفعاليات العائلية ، زي عروض السيروك, العروض المسرحية الخاصة بالكريسماس, الالعاب النارية في بعض الاماكن زي برج خليفة ومنطقة الواجهة البحرية.
5- عشاء الكريسماس في المطاعم الفاخرة:
كتير من المطاعم والفنادق الفاخرة في دبي بتقدم وجبات خاصة بالكريسماس ، وبيتم عمل وجبات تقليدية زي الديك الرومي والحلويات الخاصة بالكريسماس.
6- حضور العروض الحية:
في مسارح دبي بيتم عمل عروض مسرحية خاصة بموسم الاعياد ، زي The nutcracker, Christmas carols ، وده بيضيف طابع فني واحتفالي على موسم الكريسماس.
7- الاحتفال في الحدائق الترفيهية:
حدائق دبي الترفيهية زي دبي باركس آند ريزورتس ، وليجولاند دبي بيقدموا فعاليات خاصة بالكريسماس ، بتشمل عروض ترفيهية وديكورات احتفالية.
8- استكشاف قرى الشتا:
بعض الاماكن زي بلوواترز ، وسيتي ووك ، بتقدم "قرى الشتا" اللي تقدري تتمشي فيه بين الاكشاك اللي بتقدم هدايا الكريسماس ، وممارسة التزلج في ساحات صغيرة ، اللي بيخلق اجواء شتوية ممتعة في قلب دبي.
بالانشطة والاجواء الاحتفالية دي ، بتخلي دبي وجهة فريدة لتجربة موسم الكريسماس ، اللي بيجمع ما بين الثقافة العالمية مع الاجواء العائلية الدافية لضمان اوقات ممتعة ومميزة في موسم الاعياد.
عرضنا لكم زوارنا الكرام أهم التفاصيل عن خبر اكتشفي سحر الكريسماس في دبي: انشطة ماتتفوتش على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
