وصفة كيكة القهوة من الوصفات اللذيذة والسهلة ، اللي بتجمع ما بين طعم القهوة المميز مع حموضة البرتقان ، وهي مثالية جدا للفطار او تاكليها مع الشاي بعد الضهر.
المكونات:
كيكة القهوة:
- 225 جرام زيت نباتي.
- 225 جرام سكر بني او سكر عادي.
- 4 بيضات.
- 25 جرام قهوة سريعة التحضير ، مخلوطة ب 30 مل ماية مغلية.
- 225 جرام دقيق ذاتي التخمير.
- 5 جرام بيكنج باودر.
صوص البرتقان:
- 6 صفار بيضات.
- عصير 3 حبات برتقان ، وبشر القشر بتاعهم.
- 100 جرام سكر.
- 25 جرام زبدة غير مملحة.
- 27 جرام نشا.
طريقة التحضير:
1- سخني الفرن على درجة حرارة 180 درجة مئوية ، وهاتي قالب كيك مربع بحجم 23 سم ادهنيه بالزيت وبطنيه بورق زبدة.
2- لتحضير كيكة القهوة ، في طبق اخلطي الزيت السكر وامزجيهم مع بعض ، وبعدين ضيفي البيت واخفقيهم مع بعض كويس ، وبعدها ضيفي خليط القهوة وقلبيهم.
3- ضيفي الدقيق, البيكنج باودر ، واخلطي لحد ما تحصلي على عجينة ناعمة.
4- صبي الخليط في قالب الكيك اللي جهزناه واخبزيه لمدة 50 دقيقة لساعة ، الكيكة هتبقى جاهزة لما تدخلي فيها عود خشب او طرف سكينة وتطلع نضيفة.
5- خرجي الكيك من الفرن وسيبيها لحد ما تبرد في القالب زي ما هي.
6- بعد كده باستخدام ايد معلقة خشب رفيعة ، خرمي الكيكة من فوق بشكل متساوي ، هتحتاجي تقريبا ل 36 خرم ، حوالي 4 خروم في كل قطعة كيك بعد التقطيع ، وخلي بالك الخرم مايوصلش لقاع الكيكة ، عشان الصوص مايتسربش منها.
7- حضري صوص البرتقان ، في طبق اخلطي صفار البيض, عصير البرتقان, قشر البرتقان, الزبدة, النشا ، واخفقيهم مع بعض لحد ما المكونات تمتزج كويس.
8- في حلة على نار متوسطة لمنخفضة حطي الخليط ، مع التقليب المستمر لحد ما قوامه يبقى سميك ، والخليط هيبقى جاهز لما تلاقيه غطى ضهر المعلقة.
9- انقلي الصوص في طبق وسيبيه لحد ما يبرد تماما في التلاجة.
10- بعد ما الكيكة تبرد خرجيها من القالب وحطيها على طبق التقديم او حامل للكيكة.
11- حطي صوص البرتقان في كيس حلويات ونزليه في الخروم اللي احنا عملناها في الكيكة.
12- لما الخروم تتملي بالصوص ، استخدمي باقي الصوص لتغطية الجزء اللي فوق من الكيكة.
13- وكده تبقى جاهزة قطعيها مربعات وقدميها.
الطريقة بالفيديو:
عرضنا لكم زوارنا الكرام أهم التفاصيل عن خبر طريقة عمل كيكة القهوة والبرتقان على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
