عادة مخدات الجسم بترتبط بالنساء الحوامل او الاشخاص اللي بيتعافوا من عمليات جراحية او الاصابات ، ولكن الحقيقة ان اي شخص محتاج مخدة صحية ، اللي هتوفرلك قدر اضافي من الدعم والراحة ، وباتالي ده هيأدي لنوم جيد ، وده هينعكس على صحة جسمك بشكل عام ، والنهاردة هنشارك معاكم افضل مخدات لراحة الجسم.
1- المخدة الافضل للجسم بشكل عام:
مخدة الجسم بتديكي كل المتطلبات للحصول على نوم افضل ، والمخدة دي بتكون قابلة للتعديل بالكامل ، تقدري تضيفي او تشيلي الاسفنج منها ، عشان تناسب اسلوب نومك واكتر الاوضاع اللي بتفضليها.
2- مخدة لوضعية النوم الجانبية:
المخدة دي تعتبر المثالية للاشخاص اللي بيحبوا يناموا في وضعية النوم الجانبية ، بتحافظ على محاذاة الراس مع الرقبة والعمود الفقري طول الليل ، وبتدي دعم كافي في كل مناطق الجسم الصحيحة وه بيخفف من نقط الضغط على الجسم وتقليل التقلب اثناء النوم ، ومفيدة جدا للاشخاص اللي بيعانوا من مشكلة انقطاع النفس اثناء النوم.
3- افضل مخدة لالم الضهر:
المخدة دي اتصممت بحيث انها تحتوي على وسائد دقيقة قابلة للتشكيل عشان تستجيب وتتكيف بشكل استثنائي مع الجسم ، وهي متصممة للاستخدام اثناء الحمل وللاشخاص اللي بيناموا على جنبهم ، وكمان الاشخاص اللي بيعانوا من اصابات وتوترات عضلية وآلام في الضهر هتكون مفيدة جدا ليهم ، بالاضافة انك تقدري تستخدمي بطرق مختلفة ، ممكن تستخدميها لدعم الساقين وتخفيف الضغط على اسفل الوركين وتثبيت الضهر عند الجلوس ، وبغض النظر عن طريقة استخدامها فالمخدة بترجع دايما لشكلها الاصلي بعد الاستخدام.
4- المخدة المبردة لافضل تبريد للجسم:
لو انتي من الاشخاص اللي بيعانوا من ارتفاع درجة الحرارة اثناء النوم ، فالمخدة المبردة هتعمل معاكي فرق كبير ، لانها بتكون مصنوعة من مواد عالية الجودة هتخليكي تحسي بالبرودة والراحة طول الليل ، الغطا بتاعها مصنوع من البوليستر المطاطي خفيف الوزن ، ومليانة برغوة هلامية مخصصة للحفاظ على درجة حرارة مريحة للاشخاص اللي بيعانوا من ارتفاع درجة الحرارة اثناء النوم ، ومفيدة للاشخاص اللي بيناموا على جنبهم ومحتاجين دعم بين الركبتين ، المخدة بتقدم دعم ممتاز للجسم وبتمتص الحرارة كويس ، وبالنسبة للحوامل ، المخدة دي تعتبر ثابتة كفاية لاراحة البطن وتخفيف الضغط على الكتفين والوركين.
5- مخدة wiggle pillow:
المخدة دي متعددة الاستخدام جدا ، سواء عايزة تربطيها وتنامي على الكنبة ، او تسندي رجلك عليها ، او تلفي جسمك عليها للحصول على نوم مريح بالليل ، وبتوفر دعم للجسم كله.
6- افضل مخدة للحمل:
المخدة ده من افضل الاختيارات للحوامل لانها فعالة في تخفيف آلام الرقبة والضهر ، وتقليل الضغط على المفاصل وتحسين جودة النوم بشكل عام ، وحتى لو مش حامل فالمخدة مريحة جدا ومتعددة الاستخدامات ، تقدري تستخدميها على الكرسي للحصول على دعم اضافي اثناء الشغل على المكتب ، فهي مش مخصصة للامهات الحوامل بس ، ولكن اي شخص يقدر يستفيد من المخدة دي.
7- مخدة على شكل حرف U:
المخدة دي بتوفر دعم للجسم كله من الامام والخلف ، وهي اتصممت في الاصل للامهات الحوامل لانها بتوفر دعم بزاوية 360 درجة وراحة كبيرة ، ومصنوعة من زغب صناعي مضاد للحساسية ومواد آمنه ، ولكن هي مش مخصصة للنساء الحوامل بس ، بعيد عن الحمل تعتبر من افضل المخدات للاسترخاء اثناء النهار والليل ، ودعمها للجسم بيساعد على تخفيف الآلام والاوجاع ، وده بيضمن لك نوم مريح.
ايه اللي المفروض تدوري عليه في مخدة الجسم:
اختيار المخدة المناسبة بيتعمد على احتياجاتك وتفضيلاتك الفردية ، عشان كده لازم تحطي العوامل دي في اعتبارك اثناء البحث عن مخدة الجسم المثالية.
- الغرض:
حددي سبب احتياجك لمخدة الجسم ، سواء لتخفيف آلام الضهر, دعم الحمل, او للراحة بشكل عام ، اختاري مخدة متصممة حسب احتياجاتك المحددة.
- الشكل والحجم:
قيمي مساحة سريرك واختاري حجم مخدة الجسم المناسبة ليه ، لازم تراعي حجم المخدة حسب ابعاد سريرك والتأكد انها بتوفر تغطية كافية لجسمك كله.
- شكل حرف I:بتكون مخدة مستطيلة الطول الشائع فيها هو 54 بوصة ، ومثالية للاشخاص اللي عايزين مخدة للجسم ومعندهمش اي احتياجات محددة محتاجين يعالجوها.
- شكل حرف U:بتوفر دعم للجانبين ، وبتمنعك من التدحرج على السرير ، وبتسهل تغيير الوضعيات من غير ما تحتاجي تغيير وضع المخدة نفسها ، وده بيخليها الاختيار الامثل للحمل ، والطريقة الاكتر شيوعا لاستخدامها هي النوم والجزء المفتوح يكون عند القدمين وتحضني الجنب اللي تفضليه ، وتريحي راسك على المنحنى بتاعها ، وتقدري انتي كمان تغيري في وضعية النوم عليها بالطريقة اللي تريحك اكتر.
- شكل حرف C: بيحتوي على انحناء في كل طرف وتقدري تتنيه وتشكليه بأشكال مختلفة ، وهي اصغر شوية من الشكل U.الشكل J: الشكل ده يشبه شكل حرف I ولكن مع امكانية وضع راسك على المنحنى بتاعها ، لو لف جسمك حوالين الجزء المستقيم ، او وضع المنحني اسفل الركبتين ووضع ضهرك على الجنب المستقيم ، وده اختيار شائع للاشخاص اللي بيناموا عى جنبهم.
- الحشوة والصلابة:
حددي مستوى الصلابة المفضل ليكي ، مع الموازنة بين محاذاة العمود الفقري والراحة ، وعوامل زي الوزن, الطول, ووضعة النوم بتأثر على الاختيار ده ، معظم المخدات بتكون محشية اسفنج ذكي, او بديل الريش, الصوف, الريش, اللاتكس ، والمخدات المصنوعة من الاسفنج الذكي بتكون اكتر ثبات بتوفر دعم اكتر ، في حين ان المخدات المصنوعة من بدائل الريش والبوليستر هتديكي نوم اكتر راحة ، اختاري دايما الاختيارات اللي مش هتسبب لك حساسية وانها مصنوعة من مواد آمنة ومعتمدة.
- سهولة التنضيف:
حطي في اعتبارك سهولة التنضيف ، بعض المخدات بتكون بأكياس قابلة للازالة والغسل ، وحتى المخدات اللي مش بتحتوي على اكياس قابلة للازالة تقدري تغسليها في الغسالة ، وبننصحك باستخدام اكياس مخدة تقدري تغسليها بالغسيل العادي.
- تنظيم درجة الحرارة:
لو بتنامي في جو حر ، اختاري مخدة قابلة للتنفس ومصممة لتنظيم درجة الحرارة ، التهوية مهمة جدا ، لان ارتفاع درجة الحرارة ممكن يأدي لتعطل جودة نومك.
- سياسة الارجاع وفترة التجربة:
ادي اولوية للمخدات اللي بتتمتع بسياسة ارجاع مرنة وفترة تجربة ، لان الاشخاص اللي بيناموا على جنبهم بشكل خاص بيحتاجوا وقت على ما يلاقوا المقاس المثالي ، فالسماح باسبوع على الاقل للتعديل امر ضروري ، اتأكدي من امكانية استبدال المخدة او ارجاعها لو مش بتلبي توقعاتك.
عرضنا لكم زوارنا الكرام أهم التفاصيل عن خبر افضل 7 مخدات لراحة الجسم والعمود الفقري على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
