لو بتعاني من ظهور البثور دايما وعندك مشاكل في بشرتك ، جربي معانا وصفات الجنزبيل والعسل لبشرة صافية وخالية من العيوب.
1- وصفة الجنزبيل والعسل لكل انواع البشرة:
المكونات:
- 1 معلقة كبيرة عصير جنزبيل.
- 1 معلقة صغيرة عسل.
الطريقة:
1- ابشري الجنزبيل واضغطي عليه على مصفى باستخدام معلقة لاستخراج العصير بتاعه.
2- اخلطي عصير الجنزبيل مع العسل ، ووزعي الخليط على بشرتك.
3- سيبيه لمدة 15 دقيقة ، وبعدها اغسليه.
4- كرريه مرتين في الاسبوع لافضل النتايج.
عصير الجنزبيل هيساعدك على التخلص من البثور ، والعسل هيساعدك على ترطيب بشرتك.
2- ماسك الطين الابيض والجنزبيل للبشرة المعرضة لحب الشباب:
المكونات:
- 1 كيس شاي اخضر.
- 10 مل ماية.
- 20 جرام جنزبيل.
- 20 جرام طين ابيض "من عند العطار".
الطريقة:
1- في طبق اخلطي كل المكونات مع بعض كويس.
2- على بشرة نضيفة وزعي الخليط كله بالتساوي.
3- سيبيه لمدة 15 دقيقة وبعدها اغسليه بماية باردة.
4- بعدين استخدمي تونر ومرطب لافضل النتايج.
5- كرري الماسك 2 – 3 مرات في الاسبوع على الاقل.
3- وصفة العسل للبشرة الجافة والباهتة:
المكونات:
- رشة كركم مطحون.
- 1 معلقة كبيرة عسل.
- ½ معلقة صغيرة جلسرين.
الطريقة:
1- اخلطي المكونات كلها مع بعض كويس.
2- وزعي الخليط على بشرتك ، وسيبيه لمدة 15 دقيقة وبعدها اغسليه.
3- وبعدها استخدمي التونر والمرطب بتاعك بالطريقة المعتادة.
4- كرري الوصفة مرة واحدة في الاسبوع لتجديد البشرة الجافة والباهتة من الداخل.
4- ماسك الجنزبيل وماية الورد لنضارة البشرة:
المكونات:
- 1 معلقة كبيرة عصير جنزبيل.
- 2 معلقة كبيرة ماية ورد.
- ½ معلقة كبيرة عسل.
الطريقة:
1- اخلطي كل المكونات مع بعض كويس.
2- وزعي الخليط على بشرتك ، سيبيه لحد ما ينشف وبعدها اغسليه بالماية العادية.
3- وبعدها استخدمي كريم مرطب.
4- كرري الماسك مرة واحدة في الاسبوع لافضل النتايج.
5- ماسك العسل وزيت الباتشولي لبشرة صافية:
المكونات:
- 1 معلقة كبيرة عسل.
- 3 نقط من زيت الباتشولي ، ممكن تستبدليه باي زيت عطري زي زيت الورد.
الطريقة:
1- اخلطي المكونين مع بعض كويس.
2- وزعي الخليط على بشرتك وسيبيه لمدة 20 دقيقة ، وبعدها اغسليه بالماية العادية.
3- وبعدها استخدمي التونر المرطب بتاعك.
4- كرري الماسك مرتين في الاسبوع.
6- ماسك الجنزبيل والصبار لازالة البقع الغامقة والندبات والبثور:
المكونات:
- 2 معلقة كبيرة من جل الصبار.
- 1 معلقة كبيرة عصير جنزبيل.
- ½ معلقة كبيرة عسل.
الطريقة:
1- اخلطي كل المكونات مع بعض كويس.
2- وزعي الخليط على بشرتك ، وسيبيه لمدة 20 دقيقة ، وبعدها اغسليه بماية دافية.
3- كرري الماسك من 1 – 2 مرة في الاسبوع على الاقل لافضل النتايج.
7- ماسك العسل والقرفة لعلاج حب الشباب:
المكونات:
- 3 معالق صغيرة عسل.
- ½ معلقة صغيرة قرفة.
الطريقة:
1- اخلطي المكونين مع بعض كويس.
2- وزعي الخليط على بشرتك ، سيبيه لمدة 30 دقيقة ، وبعدها اغسليه بالماية العادية.
3- كرري الماسك من 1 – 2 مرة في الاسبوع.
8- ماسك الجنزبيل والبيض المضاد للشيخوخة:
المكونات:
- 1 بيضة.
- 1 معلقة صغيرة عصير جنزبيل.
- 1 معلقة صغيرة عصير ليمون.
الطريقة:
1- في طبق اخفقي البيضة كويس لحد ما تبقى رغوية.
2- ضيفي لها عصير الجنزبيل وعصير الليمون واخلطيهم مع بعض كويس.
3- وزعي الخليط عى بشرتك وسيبيه لحد ما ينشف ، وبعدها اغسليه بالماية العادية.
4- كرري الماسك مرتين في الاسبوع لافضل النتايج.
9- ماسك العسل والشوكولاتة الغامقة لتنظيم افراز الزيوت الزيادة:
المكونات:
- 2 معلقة كبيرة عسل.
- 1 معلقة كبيرة شوكولاتة غامقة.
- 1 معلقة كبيرة دقيق ارز.
- ماية للعجن.
الطريقة:
1- في طبق ابشري الشوكولاتة وضيفي لها باقي المكونات وامزجيهم مع بعض كويس.
2- وزعي الخليط على بشرتك ودلكيه بحركات دائرية اثناء توزيعه.
3- سيبيه لحد ما ينشف وبعدها اغسليه بالماية العادية.
4- كرري الماسك مرتين في الاسبوع.
10- ماسك العسل والفراولة لنضارة البشرة الباهتة:
المكونات:
- 3 حبات فراولة.
- 1 معلقة كبيرة عسل.
الطريقة:
1- اهرسي الفراولة بالشوكة لحد ما تبقى عجينة ناعمة.
2- ضيفي لها العسل وامزجيه كويس مع الفراولة.
3- وزعي الخليط على بشرتك وسيبيه لمدة 20 دقيقة وبعدها اغسليه بالماية العادية.
4- كرري الماسك مرة واحدة في الاسبوع.
11- ماسك العسل وزيت جوز الهند لتجديد شباب بشرتك:
المكونات:
- 2 معلقة صغيرة من زيت جوز الهند.
- 1 ½ معلقة صغيرة عسل.
- 3 نقط من زيت اللافندر (اختياري).
الطريقة:
1- اخلطي المكونات مع بعض كويس.
2- وزعي الخليط على بشرتك ، وسيبيه لمدة 10 دقايق وبعدها اغسليه.
3- كرري الماسك مرتين في الاسبوع على الاقل لافضل النتايج.
عرضنا لكم زوارنا الكرام أهم التفاصيل عن خبر لو عايزة بشرة صافية وخالية من البثور بطريقة طبيعية، جربي الجنزبيل والعسل على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
