القاهرة - محمد ابراهيم -
ينتظر الشاعر أحمد المالكي خلال الفترة المقبلة طرح عدد من الأغاني الذي يشارك بها مع تامر عاشور ورامي جمال.
خريطة أعمال أحمد المالكي
ونشر المالكي من خلال حسابه الشخصي بموقع تبادل الصور والفيديوهات إنستجرام خاصية إستوري أنه ينتظر أغنية جديدة يتعاون بها مع تامر عاشور معلقًا :"راجعين قريب مع تامر عاشور " .
كما كشف أيضًا تعاونه مع رامي جمال بألبومه القادم معلقًا :"عاملين حاجات حلوة أوى الألبوم اللي جاي ".
أحدث أعمال أحمد المالكي
يذكر أن أحدث أعمال أحمد المالكي أغنية عودتني الدنيا مع شيرين عبد الوهاب ، والأغنية من كلمات أحمد المالكي وألحان تامر عاشور وتوزيع نابلسي،تسجيل، ميكس وماستر خالد سند، وتريات محمد مدحت، جيتار وهارموني أحمد حسين، باص جيتار أحمد رجب، بيركشن ضياء بدر، إدارة انتاج رامز سليمان، تم التسجيل في استوديو TRS.
كلمات أغنية عودتني الدنيا
عودتني الدنيا أخسر.. أخسر
وإن لما أحب حاجة أوام تسيبني
أي لحظة فرح تِقصر
طول حياتي الحزن قاعد بيراقبني
وأما جيت لحياتي قولت الفرحة جاتلي
والسعادة خلاص معايا وقربت لي
بس برده بعدت عني
حلمي راح كالعادة مني
قولت أحب الحزن يمكن
برده زيك هيفارقني
بس دي الحاجة الوحيدة
اللي دايما بتلاحقني
يوم ما جيت وناديت عليا قولت
قدري شايلي حاجة وبيفاجئني
شوفت أجمل دنيا جاية
والنهارده بجد راح اللي مضايقني
لما جيت أنا شوفت نفسي في بكرة أجمل
يا أخيرا عندي حلم خلاص هيكمل
بس برده بعدت عني
حلمي راح كالعادة مني
قولت أحب الحزن يمكن
برده زيك هيفارقني
بس دي الحاجة الوحيدة
اللي دايما بتلاحقني
عودتني الدنيا أخسر.. أخسر
وإن لما أحب حاجة أوام تسيبني
أي لحظة فرح تِقصر
طول حياتي الحزن قاعد بيراقبني.
