قال محمود معوض، صديق الفنان الراحل هيثم أحمد زكي، إن "هيثم" لم يكن ينام جيدًا أثناء مشاركته في مسلسل "علامة استفهام"، لأنه كان يريد إعداد المسلسل على أكمل وجه، معقبًا: "مكنش بينام وكان بيتوتر كتير، وكان بيزعل جامد جدًا، وكان بيقول أنا كده كده هموت بدري".
وتابع "معوض"، خلال حواره ببرنامج "شارع النهار"، المذاع على فضائية "النهار"، مساء الأحد، أن "هيثم" كان من المفترض أن يتزوج في شهر يوليو الماضي، ولكنه أجل فرحه بسبب تعبه، معقبًا: " كان خايف يسيب خطيبته لوحدها، كان بيقول لي أنا خايف أتجوزها وأسيبها لوحدها".
وأضاف: "ليه كده يا هيثم، ليه ما سمعتش كلامي، ليه قعدت تقول أنا عايش في وحدة، الحزن بيقتل أي حد، أنا كل اللي صعبان عليها إنه قربت منه آخر فترة، وعلاقتنا ما كنتش علاقة ماكير بالفنان بتاعه، أنا حبيته جدًا، وكنا اخوات جدًا، وكنا بنتمرن بوكس في الجيم بتاعه في البيت".
