يقال ان مولودة برج القوس هي الاكثر حظا وسعادة من بين مواليد باقي الابراج وده لأن دايما الظروف بتيجي لصالحها، لكنها مش بتعتمد على حسن حظها بس هي كمان مش بتخاف من المخاطرة وبتحافظ على الطاقة الايجابية والتفاؤل حتى في اصعب المواقف، عندها طموح وملتزمة بالقواعد في العمل ودي من اسباب نجاحها في شغلها، واضحة وصريحة ومش بتحب تداري احاسيسها او افكارها، مبدعة وتحب تدور دايما على المشروعات او المبادرات الجديدة وتبدأها او على الاقل تبقى جزء منها، اما في الحب فهمي مخلصة جدا وبتسامح وتدي فرص كتير اما لو هي في علاقة جدا فهي بتبذل كل جهدها عشان تحافظ على العلاقة دي وتعدي بيها من كل الصعاب، دي كانت الصفات العامة لأنثى برج القوس اما موضوعنا فهو عن استايل هدوم انثى برج القوس
بتحب التنوع
انثى برج القوس مش من الناس اللي بتحب تحبس نفسها في استايل واحد او موضة واحدة، هي العكس بتحب التنوع يعني يوم تلبس جينز وبلوزة من القطن الناعم وباليرينا او كوتشي ويوم تاني تحب الفستان مع الشوز العالي ويوم تالت بتلبس فورمال، المهم انها لازم تلبس اللون الموف ودرجاته في قطعة من الطقم او كل الطقم او الاكسسوار المهم يكون في اطلالتها لمسة من اللون الموف.
اختياراتها في الكاجوال
بشكل عام وبجانب اللون الموف انثى القوس بتحب الالوان الهادية والفاتحة، البيج والخوخي والابيض، ومع ذلك في دولابها لازم في قطعة من اللون الاحمر، بتحب النقشة المقلمة او رسومات الورد، تحب تختار هدوم مريحة وفي نفس الوقت رقيقة يعني لما بتلبس البنطلون تحب تنسقه مع بلوزة ناعمة ورقيقة، اما لو حتلبس فستان فغالبا بيمون منقوش برسومات رقيقة للوردوله موديل وقصة رقيقة وانثوية استايل هدوم انثى برج القوس
انثى القوس والسهرات
اختيارها غالبا بيكون فستان سادة وغامق من درجات الموف او الازرق او اي غوامق، ومش بتحب الاستايلات المتعبة او المش مريحة اللي بتخليها متمتفة او مش بتتحرك براحة سواء في الفسات او الشوز اللي بتعرف تختار ازاي يكون عالي ومريح في نفس الوقت زي الويدج او الكعب المربع المرتفع، واجمل حاجة في انثى القوس هي قدرتها على تحويل اي استايل مهما كان بسيط لاطلالة جذابة وجميلة ومش خارج الاطار المطلوب وده لحبها الفطري على الالتزام بالقواعد يعني لو رايحة مكان مطلوب فيه لبس فورمال يبقى حتلبس البدلة او التايور الكلاسيك ولو كان حفلة اوبرا يبقى حتلبس فساتن سادة وناعم ورقيق ولو رايحة عشاء عمل او سهرة مؤتمر حتلبس بليزر وبنطلون وكعب المهم انها في الاخر حتكون لابسة الاختيار المناسب في المكان المناسب
الاكسسوارات
انثى القوس بتتميز بحبها للخلاخيل والاساور بشكل خاص وبتفضل تلبس الفضة والدهب مش بتحب اوي الالماظ ولا الاحجار او حتى الخرز، وعندها قطعة من الاكسسوار منسقاها لكل طقم لبس المهم تكون رقيقة ومناسبة للحدث اللي هي رايحاه، اما اختياراتها في الشنط فهي مالهاش استايل معين يعني ممكن تلبس شنطة الضهر او الكلاتش او شنطة الايد العادية المهم ان شنطها بتتميز بأن حجمها كبير شوية عشان تشيل كل احتياجاتها.
سواء كان ميولك كاجوال او فورمال وسواء كنتي طالبة او بتشتغلي او لأ المهم ان انثى القوس من اكتر الناس اللي بتعرف تختار تلبس ايه فين وهو ده اكتر حاجة بتميز استايل لبس انثى برج القوس وممكن كمان تدخلي هنا وتعرفي كل شيء يخص برج القوس.
عرضنا لكم زوارنا الكرام أهم التفاصيل عن خبر استايل هدوم انثى برج القوس على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
