طريقة عمل كرسبي هاش براونز زي ماكدونالدز في البيت

لعشاق ماكدونالدز وبشكل خاص الهاش براونز بتاعه اكيد اللي جربه عارف طعمه بيبقى تحفة ازاي, واللي لسه مجربوش هيجربه معانا النهاردة, لاننا جايبين لكل بنات حوا وصفة الهاش براونز زي بتاع ماكدونالدز بالظبط تعمليه بنفسك في البيت بكل سهولة.

وصفة الهاش براونز:

المكونات:

6 حبات بطاطس متوسطة.

1/3 كوباية دقيق.

بيضة مضروبة.

ملح.

فلفل.

معلقة كبيرة بودرة بصل.

1 معلقة كبيرة نشا “اختياري”.

2 معلقة كبيرة زبدة.

زيت للقلي.وصفة الهاش براونز

الطريقة:

قشري البطاطس وابشريها بالمبشرة, وانقعيها في طبق فيه مية تكون سقعة اوي وسيبيها منقوعة من 1 – 2 ساعة وبعدين طلعيها من المية.

حطي حله كبيرة على النار فيها كمية مية كفاية عشان تغطي كمية البطاطس اللي عندك, وضيفي لها 2 معلقة سكر وشوية ملح.

لما المية تغلي, حطي فيها البطاطس المبشورة, وسيبيها تغلي لمدة من 3 – 4 دقايق.

طلعي البطاطس من المية المغلية على فوطة وحطيها على مصفى واضغطي عليها عشان تتخلصي من كل المية الزيادة.

دلوقتي هنتبل البطاطس ضيفي لها الدقيق والنشا والبيض وملح وفلفل وبودرة البصل والزبدة, وممكن تضيفي لها اي انواع توابل تفضليها للنكهة, وقلبي المكونات كلها مع بعض كويس.

دلوقتي ابدأي شكلي البطاطس على شكل دايرة بايدك او بقطاعة لو متوفر عندك, وساويها واضغطي عليها كويس بايدك عشان تبقى متماسكة كويس.

حطي طاسة على نار متوسطة لعالية فيها زيت غزير, وحمري البطاطس على الجنبين لحد ما لونها يبقى دهبي تقريبا لمدة من 6 – 8 دقايق.وصفة الهاش براونز

الطريقة بالفيديو:

طريقة تانية للهاش براونز:

في طريقة تانية للهاش براونز فيها اختلاف بسيط انها بتتحمر على طول من غير سلق.

هتعملي زي الطريقة اللي فاتت نفس خطوة بشر البطاطس ونقعها في مية سقعة, وبعدين تصفيها وتنشفيها كويس بفوطة وتتبليها بالملح والفلفل والتوابل اللي انتي عايزاها والدقيق والبيض.

هاتي طاسة حطي فيها خليط زبدة وزيت مع بعض في طاسه وحمري البطاطس على الجنبين لحد ما تاخد اللون الدهبي, ممكن تعمليها قرص واحد كبير او تعمليها اقراص صغيرة.وصفة الهاش براونز

الطريقة بالفيديو:

بالفيديو والخطوات: طريقة عمل قواقع المكرونة المحشية بالفراخ مع الجبنة البارميزان

قواقع المكرونة المحشية بالفراخ