لما بنقرر اننا نبدأ نقلل وزننا ، بيكون عندنا اصرار اننا نجرب كل حاجة ممكنة عشان نوصل للهدف ده ، ومع ذلك في بعض الحاجات بيعملها ناس كتير لانقاص وزنهم بتكون مش ضرورية ، وفي الحقيقة كمان ان الحاجات دي مش بتعمل حاجة غير انها بتضيع وقتك وبتبطء عملية انقاص الوزن ، تعالوا نعرفها سوا.
1- تخطي الوجبات:
على الرغم من ان تخطي الوجبات يعتبر طريقة مثالية لاكل كميات اقل ، ولكن في الواقع ان ده هيأدي للعكس تماما ، وهينتهي الامر انك هتاكلي كميات اكبر بعد كده.وهتوصلي انك هتاكلي كميات كبيرة من الوجبات الخفيفة ، واكل سعرات حرارية اكتر من اللي المفروض تاكليه في الوجبة ، وكمان بعيدا عن منظور السعرات الحرارية ، تخطي الوجبات مش صحي خالص وممكن تبقى ليه عواقب صحية مضرة على المدى الطويل.عشان كده بننصحك بدل ما تاكلي كيس شيبسي او سناكس غير صحية ، كلي وجبة كاملة.
2- استبعاد مجموعات كاملة من الطعام:
المجموعات الغذائية كلها مهمة بنفس القدر ولازم كلها تبقى جزء من نظام غذائي صحي ومتوازن.التخلص من الاطعمة المفيدة للجسم مش افضل طريقة لفقدان الوزن والصحة بشكل عام ، لو اخدنا نظام الكيتو كمثال ، اولا انه نظام مقيد جدا وتاني حاجة انك بتستبعدي الاطعمة الصحية والمفيدة لصحتك ، زي العدس, الفاصوليا, البسلة, البطاطس, الارز البني, والجزر.في نظام الكيتو بيتم استبعادها لانها بتحتوي على الكربوهيدرات ، ولكن بالنسبة للالياف اللي بتستبعديها؟ وهي عنصر مش هتقدري تحصلي عليه الا من الكربوهيدرات؟بالاضافة ان اكل الدهون واللحوم والجبنة ماتنفعش تبقى نظام غذائي تمشي عليه فترة طويلة لتحسين الصحة العامة.
3- اكل كميات اقل من الطعام:
اكل كميات اقل مش افضل طريقة لفقدان الدهون ، كبداية اكل كميات اقل من احتياجات جسمك هيبطيء عملية التمثيل الغذائي وده مش في صالحك لخطة انقاص الوزن ، وممكن تفقدي وزنك على المدى القصير بس ، ولكن بمجرد ما توقفي نظامك الغذائي هتكسبي وزن اكتر من الاول ، وده معروف بأسم تأثير "اليويو".وده بيحصل بس لما النظام الغذائي بيبطيء عملية التمثيل الغذائي ، بسبب اكل كميات اقل من العناصر الغذائية اللي جسمك محتاجها كطاقة.بالاضافة كمان انك لما تقللي اكلك وتفضلي حاسه بالجوع طول الوقت ، ده هيخليكي تروحي للاطعمة غير الصحية والافراط في الاكل على اخر اليوم.المفروض انك ماتكليش اقل ، ولكن تاكلي بس بطريقة صحيحة.
4- الاعتماد على التمارين الرياضية بس:
كتير من الناس بيفتكروا انهم مجرد ما يمارسوا رياضة ، هيقدروا ياكلوا كل اللي هما عايزينه ، ولكن ده مفهوم غلط ، التمارين الرياضية ما هي الا جزء صغير من استخدامنا اليومي للطاقة ، التمارين الرياضية بتشكل تقريبا 20% بس من السعرات الحرارية اللي بنحرقها ، والباقي معتمد على اختياراتك الغذائية.مستحيل انك تقدري تتغلبي على نظام غذائي سيء بالتدريب ، لو بتعتمدي باستمرار على نظام غذائي مش صحي وسكريات ووجبات سريعة وعندك امل انك تحرقي كل ده بساعة في الجيم ، فانتي كده بتضيعي وقتك بس.
5- البحث عن الحلول السريعة:
من اول مشدات الخصر (الكورسيه), لحد شاي التخلص من السموم, وبدائل الوجبات, وكل انواع حبوب التخسيس ، ماتقعيش في فخ الحاجات دي ، لانها مش بتجيب نتايج ولو جابت بتبقى نتايج مؤقتة وبعد ما توقفيها بتكتسبي وزن اكتر من الاول ، بالاضافة انها ممكن كمان تكون مضرة على المدى البعيد.الحقيقة اننا مانقدرش نتخلص من وزننا الزايد بمجرد اضافة منتج واحد للنظام الغذائي ، الموضوع مش بيمشي كده خالص.
6- التركيز على السعرات الحرارية:
كتير من الناس بيركزوا على حساب السعرات الحرارية بس ، وبينسوا اهمية الاكل الصحي ، واكيد الطبيعي ان كل ما قلت السعرات الحرارية الوزن هيقل ، ولكن السعرات الحرارية مش كلها شبه بعض.الحقيقة انه مش شرط ابدا ان دايما الاكل الصحي يكون منخفض السعرات الحرارية ، لكن من الافضل دايما لصحتك وجسمك انك تاكلي مثلا كمية من اللوز اللي بتحتوي على 300 سعر حراري ، بدل من مشروب الصودا الدايت.ودايما بنقول انه مع السعرات الحرارية الجودة هي اللي تهم اكتر ، وده معناه ان الموضوع مش متعلق بعدد السعرات الحرارية ، ولكن بأن الاكل ده مفيد لجسمك وصحتك ولا لا.ممكن تقعدي تحسبي السعرات الحرارية طول اليوم ، ولكن مادام انها بتيجي من اطعمة غير صحية ، مش هتوصلي في النهاية لنتايج طويلة الامد.
7- تجنب تناول الجلوتين:
التوقف عن اكل الاطعمة الخالية من الجلوتين لما تكوني مش محتاجة فعلا التوقف عن اكل الاطعمة الخالية من الجلوتين مش هيعمل اي حاجة للحصول على صحة كويسة وفقدان الوزن.لو ماتمش تشخيصك بمرض الاضطرابات الهضمية ، فمش هيكون مضر او غير صحي انك تاكلي الاطعمة اللي بتحتوي على جلوتين ، لانه مش مكون بيسبب زيادة الوزن.عادة بتكون مكونات تانية هي المشكلة لصحتك ، زي الخميرة سريعة الارتفاع والسكريات المضافة.
8- اكل نفس الاطعمة:
لازم تخلي علاقتك بالاكل مثيرة للاهتمام ، لانه في اللحظة اللي هتحسي فيها بالملل ، هترجعي لعاداتك الغذائية القديمة ومش هتكملي ، لانه لما بيتم تكرار الاكل باستمرار هتبدأ مستويات الدوبامين في جسمك تنخفض ، وده معناه انك مش هتكوني متحمسة للاكل ولما هتبطلي تستمتعي بالاكل ، هتخرجي من المسار الصحيح.ماينفعش تستمري في اكل الاطعمة اللي مش بتحبيها بس عشان صحية ، عشان كده بننصحك تتعلمي وصفات جديدة ، عشان تحافظي على المتعة والتنوع والاستمرار.
9- اكل الاطعمة اللي مش بتحبيها:
في مشكلة تانية رئيسية بتتعلق بالانظمة الغذائية ، وهي انها بتحددلك تاكلي ايه ، بغض النظر هل هو اكلك المفضل او لا ، انتي تقدري تفقدي وزنك من خلال عدم اكل الاطعمة السيئة والوجبات السريعة والاطعمة المعلبة والمصنعة ، واكل الاكلات الصحية اللي بتحبيها.لو بتاكلي باستمرار اكلات مش بتحبيها ، هيبقى في احتمال كبير انك تزهقي وتكسري نظامك الغذائي ، ابدأي بالاطعمة اللي بتحبيها ، وجربي الاطعمة اللي لسه مجربتيهاش ، وممكن ينتهي بيكي الامر انك تحبي الاطعمة الصحية اللي ماكنتيش بتحبيها قبل كده.
10- اكل الاطعمة المصنعة بشكل كبير:
اكل الاطعمة الصحية مهم ، ولكن الاهم هو تجنب الاطعمة السيئة ، الاطعمة المصنعة هي بعيدة كل البعد عن انها صحية وكمان فقيرة بالعناصر الغذائية ، هي مضرة لصحتك وجسمك وعليكي تجنبها.من اول كل انواع حبوب الفطار (السيريال), الواح الجرانولا, المكسرات المنكهة, دقيق الشوفان الفوري, الصلصات والصوصات, وكل انواع الاطعمة المصنعة.استبدال الاطعمة غير الصحية باختيارات صحية اكتر هيساعدك جدا في عملية انقاص الوزن.
11- التسرع في النتايج:
فقدان الوزن مش ممكن يحصل بين يوم وليلة ، لان الوزن ده انتي ما اكتسبتيهوش في اسابيع ، فاكيد كمان ما تتوقعيش انك تفقديه في اسابيع.الموضوع بيحتاج وقت والتزام واستمرارية ، لما تبدأي في اكل الاطعمة الصحية وممارسة الرياضة ، هياخد منك ما لا يقل عن 4 اسابيع عشان تلاحظي التغيير الاول ، وعشان توصلي لاهدافك النهائية هتحتاجي شهور ، خليكي بس صبورة وماتستعجليش النتايج.
12- التركيز على فقدان الوزن في جزء واحد بس من جسمك:
في كتير من البنات تقول مثلا انا عايزة مؤخرة اكبر ولكن خايفة الساقين يبقى حجمهم ضخم ، او عايزة افقد دهون البطن بس ، والحفاظ على باقي جسمي زي ما هو.الحقيقة اللي لازم تعرفيها ، ان مافيش حاجة اسمها انقاص الوزن في جزء واحد من الجسم بس ، لسوء الحظ مافيش اجراء تخفيض وزن موضعي ، ممكن تعملي مئات تمارين البطن في كل جلسة تدريب ، الحاجة الوحيدة اللي هتحصلي عليها هي عضلات بطن اقوى.لما الموضوع يتعلق بفقدان الوزن ، فالموضوع بيبقى كل شيء او لا شيء ، وده معناه انك تقدري بس فقدان الدهون الكلية في الجسم كله من خلال التمارين على جسمك كله واكل الاطعمة الصحية ، ركزي انك تشتغلي على الحصول على جسم افضل بشكل عام ، وهتوصلي لنتايج مذهلة.
- مقارنة نفسك بغيرك:
نصيحة اضافية ليكي وهي ماتقارنيش نفسك ابدا بغيرك او بالبلوجرز في مجال اللياقة البدنية اللي بتشوفيهم على وسائل التواصل الاجتماعي ، انتي ماتعرفيش هما عملوا ايه عشان يوصلوا للنتايج دي ، هل هي جينات, او عمليات, او فوتوشوب ، فمتتأثريش بيهم.
عرضنا لكم زوارنا الكرام أهم التفاصيل عن خبر 12 حاجة ماتعمليهاش ابدا لو عايزة تخسري وزن على دوت الخليج فى هذا المقال ونتمى ان نكون قدمنا لكم كافة التفاصيل بشكل واضح وبمزيد من المصداقية والشفافية واذا اردتكم متابعة المزيد من اخبارنا يمكنكم الاشتراك معنا مجانا عن طريق نظام التنبيهات الخاص بنا على متصفحكم او عبر الانضمام الى القائمة البريدية ونحن نتشوف بامدادكم بكل ما هو جديد.
كما وجب علينا بان نذكر لكم بأن هذا المحتوى منشور بالفعل على موقع بنات حوا وربما قد قام فريق التحرير في دوت الخليج بالتاكد منه او التعديل علية اوالاقتباس منه او قد يكون تم نقله بالكامل ويمكنك قراءة ومتابعة مستجدادت هذا الخبر من مصدره الاساسي.
أخبار متعلقة :